ԱՊՐԻ Արմենիայի գիտաշխատող Սերգեյ Մելքոնյանը վերջերս ելույթ է ունեցել «Կովկասյան երկխոսություն—2026» միջազգային հետազոտական և կրթական ծրագրում: Քննարկումները համախմբել էին բանախոսների Ռուսաստանից, Իրանից, Վրաստանից, Թուրքիայից, Հնդկաստանից և Ամերիկայի Միացյալ Նահանգներից, ինչպես նաև մասնակիցների այլ երկրներից, այդ թվում՝ Ադրբեջանից:
Ելույթ ունենալով փորձագիտական մի քանի քննարկումներում՝ «Հարավային Կովկասը և Մերձավոր Արևելքը. պետությունների միջև համագործակցություն և հակասություններ», «Ուժերի հավասարակշռության տրանսֆորմացիան Կովկասում. հաղթողնե՞ր և պարտվողնե՞ր» և «Կովկասը որպես կամուրջ Եվրոպայից Ասիա՞. լոգիստիկ նախագծեր և նախաձեռնություններ տարածաշրջանում», Սերգեյը տարածաշրջանային զարգացումների վերաբերյալ ներկայացրել է իր տեսակետները.
- Հարավային Կովկասն ավելի ու ավելի է փոխկապակցվում Մերձավոր Արևելքի հետ՝ թե՛ տնտեսական, թե՛ անվտանգային առումներով:
- Ռուսաստանի ներկայությունը Հարավային Կովկասում շարունակում է նվազել, մինչդեռ Թուրքիայի, Եվրոպական միության և Ամերիկայի Միացյալ Նահանգների դիրքերն ամրապնդվում են: Սա ավելի շուտ լայնածավալ, երկարաժամկետ միտում է, քան իրավիճակային փոփոխություն:
- Եթե Իրանը պատերազմից դուրս գա ավելի ուժեղ դիրքերով, Թեհրանը կկարողանա ավելի ակտիվորեն տարածել իր շահերը Հարավային Կովկասում:
- Հարավային Կովկասի երկարաժամկետ կայունության համար տարածաշրջանային տրանսպորտային երթուղիները պետք է լինեն ներառական, այլ ոչ թե բացառող: Գոյություն ունեցող հաղորդակցությունների վերաբացումը շատ ավելի արդյունավետ լուծում է, քան երկրների միջև նոր բաժանարար գծերի ստեղծումը:
