square

ԱՊՐԻ ՖՈՐՈՒՄ 2024

Կառուցելով ապագան

Հունիս 26-28, 2024

«ԱՊՐԻ Ֆորում 2024. Կառուցելով ապագան» իր հարկի տակ կհավաքի քաղաքական, դիվանագիտական, ակադեմիական և քաղաքացիական հասարակության ներկայացուցիչների, ինչպես նաև մտավորականների և լրագրողների աշխարհի տարբեր հատվածներից՝ նպատակ ունենալով  ուսումնասիրելու Հայաստանի համար զարգացման կարևորագույն ուղիները։ Համաժողովը ՀՐԱՎԵՐՈՎ Է։ 

square

Ծրագրի ակնարկ

ԱՊՐԻ Արմենիայի եռօրյա համաժողովի առաջին օրը մեկնարկում է Հայաստանի և տարածաշրջանի առջև ծառացած աշխարհաքաղաքական մարտահրավերների և հնարավորությունների մասին խորացված քննարկումներով: Հետաքրքիր հիմնական զեկույցների, անմիջական քննարկումների և պանելային բովանդակալից քննարկումների միջոցով մենք կանդրադառնանք Հայաստանի արտաքին քաղաքականության ռազմավարության հիմունքներին, կհասկանանք փոփոխվող աշխարհակարգի պայմաններում անվտանգության ոլորտի բարդությունները և կբացահայտենք դիվանագիտական առավել խոստումնալից այն հնարավորությունները, որոնք Հայաստանը կարող է առաջարկել: Օրվա ընթացքում կանցկացվեն հատուկ սեսիաներ՝ նվիրված երկկողմ հարաբերություններին և էկոլոգիական դիվանագիտության հեռանկարային ուսումնասիրությանը, ինչպես նաև կայուն ապագայի կառուցմանը:
Ֆորումի երկրորդ օրը նվիրված է Հայաստանի տնտեսական ապագային և կայուն բարգավաճման հնարավորություններին: Կքննարկվեն այլ երկրների հաջող տնտեսական վերափոխումների ոգեշնչող օրինակներ, ընդ որում, ուշադրության կենտրոնում կլինի այն, թե ինչպես Հայաստանը կարող է զգալի ներդրումներ ներգրավել և բարելավել իր ենթակառուցվածքները:
Կքննարկվեն նաև այնպիսի կարևոր հարցեր, ինչպիսիք են կայուն գյուղատնտեսական փորձը, կանաչ էներգիայի լուծումները, ինպես նաև թվային տեխնոլոգիաների բարելավման հնարավորությունները: Օրվա երկրորդ կեսին զրույցը կընդլայվի՝ ընդգրկելով շրջակա միջավայրի, առողջապահության, տրանսպորտի և արհեստական բանականության վերաբերյալ հարցեր՝ արտացոլելու Հայաստանի հնարավոր ապագա զարգացման ամբողջական հեռանկարը:
Երկրորդ օրն ամփոփվելու է Հայաստանում ձեռնարկատիրական դինամիկ մշակույթի ստեղծման մասին ոգեշնչող ելույթով:
Մեր ֆորումի եզրափակիչ օրը նվիրված է Հայաստանի և նրա ժողովրդի ռազմավարական երկարաժամկետ զարգացմանը: Կքննարկվեն երկրի քաղաքական ուղու վերաբերյալ հասարակական կարծիքը, երկկողմ առանցքային հարաբերությունները Հնդկաստանի, Սաուդյան Արաբիայի և Ռուսաստանի հետ, ինչպես նաև փոփոխվող աշխարհում անվտանգության կարևորագույն մտքերը: Բացի այդ, օրվա ընթացքում տեղի կունենան քննարկումներ կրթության և միջազգային գործընկերության միջոցով հեռանկարային աշխատուժի ստեղծման վերաբերյալ, ինչպես նաև սեսիաներ՝ նվիրված Լեռնային Ղարաբաղի հայերի ապագային և Հայաստանի համայնքների հզորացմանը:
square

Ի՞նչպես մասնակցել

«ԱՊՐԻ Ֆորում 2024. Կառուցելով ապագան» միջոցառման մասնակցության հրավեր ստանալու համար, խնդրում ենք լրացնել հարցաթերթը։