Փոփոխությունների մեր տեսլականը
ԱՊՐԻ Արմենիայի փոփոխությունների տեսլականը բաղկացած է երկու բաղադրիչներից։ Առաջինը կապված է հետազոտությունների հարցում մեր մոտեցման հետ, իսկ երկրորդը՝ ռազմավարական հանդիպումների կազմակերպման։
Հետազոտությունների մասով փոփոխությունների մեր տեսլականի էությունը կայանում է կարևորագույն ոլորտներում հստակ առաջընթացի հասնելու ուղղությամբ նպատակաուղղված աշխատանքի մեջ, ոլորտներ, որոնք հիմնարար են Հայաստանի ինքնիշխանության և զսպման ներուժի համար և որոնք կարող են լուրջ ազդեցություն ունենալ վերջինիս ապագայի վրա։ Այդ նպատակով մենք ախտորոշում և վերացնում ենք այն գործոնները, որոնք խոչընդոտ են հանդիսանում այս ոլորտներում առաջընթացի համար։ Այնուհետ, մենք իրականացնում ենք հետազոտություններ և ներգրավում ենք փորձագիտական ցանցեր, որոնք հնարավորություն են տալիս հաղթահարել խոչընդոտներն ու հասնել էական առաջընթացի։
Ռազմավարական հանդիպումների մեր մոտեցումը համախմբում է համաշխարհային հայկական էկոհամակարգի փորձագետների և միջազգային ձայների՝ Հայաստանի զարգացման վերաբերյալ հիմնական պատկերացումներով: Մենք կամրջում ենք պետական հատվածի, մասնավոր հատվածի, ակադեմիական և քաղաքացիական հասարակության փորձագետների՝ լուծելու Հայաստանի առջև այսօր ծառացած մարտահրավերները: Մեր դերն է ճիշտ գործընկերներին տրամադրել համապատասխան գիտելիք՝ առավելագույնի հասցնելու Հայաստանի ներուժը կայունության և կայուն զարգացման համար: Դրանով մենք ստեղծում ենք գործընկերների ցանց ամբողջ աշխարհում, ովքեր համագործակցում և նպաստում են տեղում խնդիրների լուծմանը:
